etmnlong.gif (2291 bytes) spacer
Also English; Bahasa Indonesia

East Timor and Indonesia Action Network

ETAN: Kona Ba Suharto Nia Mate.

Akontabilidade ba Krime Nebe Suharto Komete Labele Mate ho Nia

Ex-ditadura Indonesia, General Suharto mate iha ospital la’os iha komarka- nune’e  sees hosi justisa ba krime hira nebe nia komete iha Timor Leste no mos fatin sira seluk iha rai Indonesia. Nudar asasinu bo’ot ida iha seculu 20, total vitimas ne’ebe mate durante Suahrto nia ukun inklui:

  • Hamutuk ema na’in 500,000 to’o millioens ida  husi Indonesia bainhira Suharto simu poder nudar presidenti iha ano 1965;

  • Hamutuk ema nai’n 100,000 iha Irian Jaya;

  • Hamutuk ema na’in 100,000 to’o 200,000 iha Timor-Leste durante okupasaun illegal iha ano 1975 to’o 1999;

  • No mos ema rihun ba rihun husi Aceh no parte seluk.

Durante nia ukun, Suharto ho nia familia mos akumula osan hira, ne’be susar atu fiar, hamutuk $15 to’o $35 billioens dollares liu husi korupsaun.

Ho nia mate, Suharto evita akontabilidade ba krimis hanesan genocide, destrusaun, no korupsaun nebe nia komete durante nia ukun. Tamba ne’e, importante katak komandantes, membrus, no familia sira nebe simu no hala’o ordem husi Suharto komete krimi hanesan masakre, tortura ema, no na’ok populasaun nia propriedade labele husik livre. Sira nebe oho ema no na’ok ema nia sasan durante Suharto nia tempu “Orden Foun” tenke hetan justisa.

Ita labele haluha katak Estadus Unidus fo suporta maka’as ba Suharto ho ninia rejim. Hafoin ninia golpedestadu ema barak nebe mate sira nia isin aumenta no mos nakukun aumenta ba rai Indonesia, sira nebe suporta Suharto iha Estadus Unidus fo bemvindo ba nia hanesan ahi-naroman iha Asia. Ho objektivu “realpolitik” administrasaun hira hosi Estadus Unidus ho konesimentu krime sira nebe Suharto komete fo assistencia militar  no mos fo treinamentu no ekipamentu ba ninia militantes hodi oho populasaun civil. Aliende simu assitencia husi governu Estadus Unidus, Suharto mos buka no simu lisensa husi Estadus Unidus antes halo invasaun iha Timor Leste. Hamutuk 90 porsentu kilat nebe Indonesia uza durante  invasaun iha Timor Leste mai husi Estadus Unidos.  

Ho opozisaun husi rai klaran no krize ekonomia nebe akontese iha Indonesia iha ano 1998, Suharto to’o ikus monu nudar ukun na’in Indonesia nian. Maibe ida ne’e la akontece to’o bainhira Secertariu Estadu Albright husi Estadus Unidus fo sinal ba Suharto atu tun husi ninia poder nudar presidente Indonesian nian.

Hafoin de advokacia nebe maka’as husi aktivista sira husi Timor Leste, Indonesia, Estadus Unidos, no mos iha Congressu America nia laran- governu America to’o ikus hamenus asistensia militar ba Indonesia hahu iha tinan 1992. Militar Indonesia lakon ninia beneficiu balun nebe nia hetan antes husi Estadus Unidus wainhira Suharto tun husi ninia poder nudar presidente no Timor Leste hetan ninia independencia. Komesa husi ne’e, iha esforcu hodi reforma militar Indonesia maibe ofisias militar barak mak sei favorese Suharto ninia ideas-katak militar tenke mantein nafatin poder nebe signifiku. Por izemplu, ex-ofisias militar nebe horas ne’e dadaun nudar Presidente Indonesia, Susilo Bambang Yudhoyono hari’i ninia kareira servisu durante tempu Suharto. Iha presidente Susilo Bambang Yudhoyono nia okos, membrus militar kontinua halo violasaun diretus humanus iha rai laran, hanesan iha Irian Jaya. Membrus militar sira taka aksesu ba visitantes husi rai liur, inklui mos terrór populasaun ba interese komersiais nian. Membrus militar kontinua halo violasaun direitus humanus ho impunidade. 

ETAN statement on page 1 and 11 of Timor Post, Dili, January 30, 2008

   

Krimi nebe komete durante tempu Suharto nia hetan investigasaun nebe limitadu tebes. Hosi sira ita hetan informasaun foun balun, mezmu kazu balun lori to’o ba iha tribunal- kazu sira ne’e la hetan susesu tamba vitima sira hetan intimidasaun husi membrus militar. Iha kazu balun nebe militar selu osan ba akuzador sira atu nune’e bele dada fila fali kazu nebe sira keica ba Tribunal. Situasaun ida ne’e hamate vitima sira nia esperanca atu buka justica ba injustice nebe sira hetan.

Atu halakon Suharto ninia legacy no hametin principiu baziku kona ba diretus humanus internacional-sira nebe ezekuta, fo ajuda,  fo korazen, no hetan benficiu husi kirmi nebe Suharto ho ninia rejime halo tenke iha akontabilidade no lori ba justica.   Estadus Unidus tenke ser fo akontabilidade nebe kompleta kona ba suporta nebe governu Estadus Unidus fo ba Indonesia hodi invade no komete krimi iha Timor Leste no rai sira seluk. Nudar primeru passu, governu Estadus Unidus tenke fo supporta  hodi estabelese tribunal internacional ida nebe sei lori ba justice ema sira nebe komete krimi hasoru principiu funu no direitus humanus iha Timor Leste entre tinan 1975 to’o 1999. Washington mos tenke ser fo kondisaun sira ba asistencia militar nebe Estadus Unidus fo ba Indonesia baseia ba iha “progressu no esforcu nebe governu Indonesia halo hodi tuir principo demokracia, inklui mos membrus militar hodi halo tuir lei no regras,  no respeita ba regras direitus humanus internacionais” nudar rekomenda husi CAVR.

Informasaun kona ba Suharto nia moris bele hetan husi  http://www.etan.org/news/2008/01suhartobio.htm.



Facebook

ETAN Cause on Facebook
---
ETAN Group on Facebook

Twitter ETAN on Twitter
ETAN Blog ETAN's Blog

ETAN listservs

Subscribe to
ETAN's e-mail Listservs


Google
WWW http://www.etan.org

 
     

bar
  spacer

 

make a pledge via credit card here

Bookmark and Share

Background | Take Action | News | Links | What You Can Do | Resources  | Contact

ETAN Store | Estafeta | ImagesHome | Timor Postings | Search | Site Index |